ਤਾਇਪੇ, 4 ਮਾਰਚ  ਦੱਖਣੀ ਤਾਇਵਾਨ ਨੂੰ ਅੱਜ 6.4 ਦੀ ਗਤੀ ਵਾਲੇ ਭੂਚਾਲ ਨੇ ਦਹਿਲਾ ਦਿੱਤਾ ਹੈ, ਜਿਸ ਨਾਲ ਭਾਰੀ ਨੁਕਸਾਨ ਹੋਇਆ ਅਤੇ ਟਾਪੂ ਵਿੱਚ ਚਾਰੇ ਪਾਸੇ ਸੰਚਾਰ ਵਿਵਸਥਾ ਠੱਪ ਹੋ ਗਈ ਹੈ। ਸਥਾਨਕ ਮੀਡੀਆ ਦੀਆਂ ਖਬਰਾਂ ਵਿੱਚ ਦੱਸਿਆ ਗਿਆ ਹੈ ਕਿ ਭੂਚਾਲ ਨਾਲ ਕਈ ਲੋਕ ਜਖਮੀ ਹੋ ਗਏ ਹਨ। ਭੂਚਾਲ ਦਾ ਕੇਂਦਰ ਰਾਜਧਾਨੀ ਤਾਈਪੇ ਤੋਂ ਲਗਭਗ 400 ਕਿਲੋਮੀਟਰ ਦੂਰ ਕੋਹੋਸਿਉਂਗ ਵਿੱਚ ਸੀ। ਬਹਿਰਹਾਲ, ਸੁਨਾਮੀ ਦੀ ਕੋਈ ਚਿਤਾਵਨੀ ਜਾਰੀ ਨਹੀਂ ਕੀਤੀ ਗਈ।
ਕੇਂਦਰੀ ਮੌਸਮ ਬਿਊਰੋ ਦੇ ਭੂਚਾਲ ਵਿਗਿਆਨ ਕੇਂਦਰ ਦੇ ਨਿਰਦੇਸ਼ਕ ਕੁਓ ਕਾਈ ਵੇਨ ਨੇ ਦੱਸਿਆ ਕਿ ਤਾਇਵਾਨ ਵਿੱਚ ਆਇਆ ਭੂਚਾਲ ਭੂਗਰਭ ਤੌਰ ਤੇ ਉਸ ਭੂਚਾਲ ਨਾਲ ਜੁੜਿਆ ਹੋਇਆ ਨਹੀਂ ਹੈ, ਜਿਸ ਨੇ ਹਾਲ ਹੀ ਵਿੱਚ ਚਿਲੀ ਵਿੱਚ ਭਾਰੀ ਨੁਕਸਾਨ ਪਹੁੰਚਾਇਆ ਸੀ। ਚਿਲੀ ਵਿੱਚ 800 ਲੋਕਾਂ ਦੀ ਮੌਤ ਹੋ ਗਈ ਸੀ।